गजबे जूल्मी जमाना जलीम हे

विनय मिश्र की कलम से

गजबे जूल्मी जमाना जलीम हे ...

सुनू , देखूं - समझूं तनी ---

बहुरीयन के हवाले हल् अंगना ...

अब वहनीईये हथ दूरा के भी मलकीनी ... ।

बेटा बन् गेल् निर्मोही ....

बहुरीयां खाना देईत् हे अईसे --

लगैईत हे अचरा मे खोयल बेटा ...

कोख के किराया देईत हो जैसे ... ।

पोसली हल् जतन से ...

पांच गो - गबरु बेटा ---

गूह ,गडतर , क्ईली ...

पोछली केतना खखार औव नेटा ... !

पर माय औव गाय के हालत ...

ई जमाना मे बड़ा खराब ह्ई - धर्म धनी --

गजबे जमाना जालिम होयेल हे ....

सुनू , देखूं , समझूं तनी ... !

अब तो छूवा जा हे हमरा से हवा ..

विधाता बना देलन् हे जब से विधवा --

छोड़ गेलन् हे हमर मालिक मोहन ...

अब हम - खाली देह लेके जाऊं कहां ... !

घर मे ही की न- हम ...

न मतलब केकरों न इयाद हे --

काहें की सुहाग श्रृंगार ला भी ...

छूवाऐल हमर आशीर्वाद हें ... !

छाती के दुध पानी हो गेल् ...

श्रद्धा , संस्कार कहाँनी हो गेल् ---

सास बूढी़या बोझा ....

औव पुतोहीईन घर के रानी हो गेल् .. !

सूखल् गाय - बिधवा माय ...

अपंग , निर्धन , असहाय ...

अपने जन्मल पर कैसे उगलू ....

ज्वलंत हृदय के हाय .... !

दर्द मे लटपटायेल - सनायेल हे पीड़ा मे ..

कयामत होयेल् हे परिवारीक तकनीकी ...

बहुरियन के हवाले हल् अँगना ...

अब वहनीयें हथ दूरा दरवाजा के मलकीनी .. !

दिव्य रश्मि केवल समाचार पोर्टल ही नहीं समाज का दर्पण है |www.divyarashmi.com