का बेटा (मगही कविता)

        ---:भारतका एक ब्राह्मण.

          संजय कुमार मिश्र 'अणु'

----------------------------------------

का बेटा।

पैर में चप्पल ना-

कपार पर फेटा।।

का बेटा।।

उल्टा सीधा लिख के,

चमकवले हे खुब नाम,

जे भी देख s पढ s हे-

कहहे अरे राम! राम,

काम के ना काज के-

बाकि खाना भरपेटा।।

                  का बेटा।

कुल खानदान के ई-

नमओं हंसयले हे,

माय-बाप के इज्ज्त-

मट्टी में मिलवले हे,

सगरो से लात-बात-

लग s हे चमेटा।

         का बेटा।।

अपना के तेज जाने-

बाकि के उजबक,

आज के जमाना में-

के रहल हे बुडबक,

अब हवा में बात करे-

खुब फार के नरेटा।।

              का बेटा।।

शुरू होयला पर उ-

का कहीं रूक हे,

मुंह उठाके अपन-

चांदो पर थूक हे,

सबके पेरले हे-

मार के लपेटा।।

       का बेटा।।

गांव-घर तबाह रहल-

ऐकरे कोरहाग से,

मेहरारु न खुश रहल-

बकलोल सुहाग से,

रख देलक बना के-

सबके ई नेटा।।

       का बेटा।।

कबहियो ना चैन एकरा-

रहत सब घडी वाई में,

बनाव न रहल कभी-

माई बहिन-भाई में,

सबसे बिगाड़ कयले-

जहां जउन भेटा।।

           का बेटा।।

बनल चाहे सबसे-

बस बडका चहेता।।

             का बेटा।।

का बेटा!का बेटा!!

----------------------------------------

वलिदाद,अरवल(बिहार)८०४४०२.

हमारे खबरों को शेयर करना न भूलें| हमारे यूटूब चैनल से अवश्य जुड़ें https://www.youtube.com/divyarashminews https://www.facebook.com/divyarashmimag