चायवाला चौकीदार

चायवाला बनल चौकीदार बा
प्रधानमंत्री के हकदार बा ना ।
विश्व में छिटाईल जेकर प्यार बा ,
प्रधानमंत्री के हकदार बा ना ।।
दुनिया बाटे आज लोभाईल ,
दुश्मन के अकिल छितराईल।
करतब आपन कर देखाईल ,
जन जन हिरदा में समाईल ।।
दुनिया पीछे चले के तईयार बा ,
चौकीदार दमदार बा ना ।
चायवाला बनल चौकीदार बा ,
प्रधानमंत्री के हकदार बा ना ।।
देशभक्ति अंग अंग समाईल ,
नेता विश्व के बा चुनाईल ।
जे देशसेवक खुदके माने ,
आजतक सेवक कहां आईल ।।
प्रधान बने वाला आजु हजार बा ,
सबके अलग बाजार बा ना ।
चायवाला बनल चौकीदार बा ,
प्रधानमंत्री के हकदार बा ना ।।
विश्व में बढ़ल आपन पहचान ,
सबसे आगे भईल हिंदुस्तान ।
चांद के दक्षिणी ध्रुव पहुंचल ,
मां भारती के चंद्रयान ।।
दुनिया मानत मोदी के आभार बा,
मोदी दुनिया के यादगार बा ना ।
चायवाला बनल चौकीदार बा ,
प्रधानमंत्री के हकदार बा ना ।।
पूर्णतः मौलिक एवं
अप्रकाशित रचना
अरुण दिव्यांश
डुमरी अड्डा
छपरा ( सारण )बिहार ।
हमारे खबरों को शेयर करना न भूलें| हमारे यूटूब चैनल से अवश्य जुड़ें https://www.youtube.com/divyarashminews https://www.facebook.com/divyarashmimag