अजी पेड़ पौधा नदी के बचावऽ
धनंजय जयपुरीअजी पेड़ पौधा नदी के बचावऽ
इक्कीसवीं सदी के सुखद सब बनावऽ
बड़ा हाल खस्ता सभे आदमी के
बिना शुद्ध पानी हवा के कमी से
बने तो नदी नीर निर्मल बनावऽ
अजी पेड़ पौधा नदी के बचावऽ।।१।।
बतावऽ कि कइसे कोई जीव जीए
मिले न अगर जल तो का कोई पीए
हवा बिन कहीं भी न हेया गुजारा
यही सोच में हम बनल ही बेचारा
सुनऽ रोज बिरवा नियम से लगावऽ
अजी पेड़ पौधा नदी के बचावऽ।।२।।
अगर काट बकरी अउ गइया के खएबऽ
बतावऽ कहां से मधुर दूध पएबऽ
न गोबर न गोइठा न दही न मक्खन
न मिलतो कहीं घी लगल रहतो खक्खन
हमर बात मानऽ धरित्री सजावऽ
अजी पेड़ पौधा नदी के बचावऽ।।३।।
जे पानी न रहतो तो खेती का करबऽ
अगर अन्न उगतो न भूखे हि मरबऽ
बिना अन्न पानी न कोई सहारा
बतावऽ कि कइसे में होएत गुजारा
बिना काम तनिको न पानी बहावऽ
अजी पेड़ पौधा नदी के बचावऽ।।४।।
अगर काट जंगल के मंगल मनएबऽ
कहां शुद्ध पानी हवा शुद्ध पएबऽ
पशू पक्षी करतन कहां पर बसेरा
उ डलतन शहर गांव बस्ती में डेरा
धरा बच सके कोई युक्ति सुझावऽ
अजी पेड़ पौधा नदी के बचावऽ।।५।।धनंजय जयपुरी
हमारे खबरों को शेयर करना न भूलें| हमारे यूटूब चैनल से अवश्य जुड़ें https://www.youtube.com/divyarashminews https://www.facebook.com/divyarashmimag
0 टिप्पणियाँ
दिव्य रश्मि की खबरों को प्राप्त करने के लिए हमारे खबरों को लाइक ओर पोर्टल को सब्सक्राइब करना ना भूले| दिव्य रश्मि समाचार यूट्यूब पर हमारे चैनल Divya Rashmi News को लाईक करें |
खबरों के लिए एवं जुड़ने के लिए सम्पर्क करें contact@divyarashmi.com