बिहार

बिहार में बहार बा ,
शेर सा दहाड़ बा ,
शक्तिपीठ दरबार बा ,
भोजपुरिए शृंगार बा ।
शृंगी ऋषि वास रहल ,
मौर्यध्वज निवास रहल ,
भोजपुरी संस्कृति के ,
बिहार के पियास रहल ।
श्रम में अथक सिद्ध ,
बुद्ध के बिहार प्रसिद्ध ,
अर्थ में कमजोर बा ,
आदर नेह प्रेम समृद्ध ।
देश के उत्तरी दुआर ह ,
राष्ट्र हृदय के हार ह ,
गंगा के निर्मल धार ह ,
बिहार ना लाचार ह ।
जयप्रकाश परिवार बा ,
उनकर बड़ा आभार बा ,
हमहूॅं बानी बिहारी एगो ,
सबके प्रणाम बारंबार बा ।
पूर्णतः मौलिक एवं
अप्रकाशित रचना
अरुण दिव्यांश
डुमरी अड्डा
छपरा ( सारण )बिहार ।
हमारे खबरों को शेयर करना न भूलें| हमारे यूटूब चैनल से अवश्य जुड़ें https://www.youtube.com/divyarashminews https://www.facebook.com/divyarashmimag