आज संसद में भ‌इल जवन हाल बा।

इ दशा देख के सारा देश बेहाल बा।।
अइसन धक्का मुक्की मेला में होला।
जहाँ नीमन बेजांय सब तरह के लोग जुटेला।।
संसद में सब कोई माननीय कहाता।
गणतंत्र का मंदिर में इ हाल ना सुहाता।।
के चलनी के चालल बा, के सूप के डगारल बा।
सबका माथा पर, खाली आरोप मढ़ाता।।
अपना अपना गीरेबान में केहू झांकत नइखे।
एक दूसरा पर आरोप लगा के, सभे चिल्लात बा।।
सारा देश लज्जित बा, सिर फुटौवल देख के।
कुछ माननीय लोग दहाड़त बा, लाज शर्म छोड़ के।।
कतनो केहू विद्या पढ़ाई, दुर्जन कबो अच्छा ना होई।
करैला के दूध से धोके बनवला पर भी सब्जी मीठा ना होई।। 

 जय प्रकाश कुवंर
हमारे खबरों को शेयर करना न भूलें| हमारे यूटूब चैनल से अवश्य जुड़ें https://www.youtube.com/divyarashminews https://www.facebook.com/divyarashmimag