बड़ छोट के लाज खतम बा।

बोले के मरजाद खतम बा।।
नीमन बात केहू के सिख‌इब।
बात बात पर डांटल ज‌इब।।
केहू ना तोहार उमर गिनी।
मुंह के बात तोहरा से छिनी।।
तब तू अपने आप लज‌इब।
उठ के मंडली छोड़ के ज‌इब।।
बुढ़ के जिनिगी अजब भ‌इल बा।
जब से नयकन के राज भ‌इल बा।।
एक बात मत भूलिह भाई।
पुराने चावल से पथ्य दिआई।।
चिर‌ई चूजा के उड़े के सिखावेला।
तबे चूजा आकाश नापे पावेला।।
काला बाल जब सफेद हो जाई।
बूढ़ा के ज्ञान तबे समझ में आई।। 

 जय प्रकाश कुवंर
हमारे खबरों को शेयर करना न भूलें| हमारे यूटूब चैनल से अवश्य जुड़ें https://www.youtube.com/divyarashminews https://www.facebook.com/divyarashmimag