आयुष जिनगी मायूस हो गईल

जिनगी अईसन बाटे डर गईल ,
जईसे तन से हिर्दा उखड़ गईल ,
जिनगी भईल अईसन मायूस ,
जईसे अपने जिनगी सड़ गईल ।
पहिला वार कोरोना के भईल ,
दोसर वार उदर के आपरेशन ।
तीसर वार हार्ट अटैक भईल ,
अधूरा भईल जीवन के सेशन ।।
जिनगिए में दहशत भर गईल ,
मरे से पहिले जीवन मर गईल ,
जोगत रहीं जवध हम जीवन ,
पूरा जीवन अब बिखर गईल ।
सारा सोच त रह गईल अधूरा ,
सोचलीं जवन ना भईल पूरा ।
पियत रहीं जे अमृत समझके ,
उहे निकलल जहर सम सुरा ।।
अश्रु गम दे जीवन भींगो गईल ,
जतना कमईलीं सब खो गईल ,
अब का हम कर पाईब कमाई ,
आयुष जिनगी मायूस हो गईल ।
पूर्णतः मौलिक एवं
अप्रकाशित रचना
अरुण दिव्यांश
डुमरी अड्डा
छपरा ( सारण )बिहार ।
हमारे खबरों को शेयर करना न भूलें| हमारे यूटूब चैनल से अवश्य जुड़ें https://www.youtube.com/divyarashminews https://www.facebook.com/divyarashmimag