अब न कनहूँ अन्हार हौ अनोर हो गेलो

डॉ रामकृष्ण मिश्र

अब न कनहूँ अन्हार हौ अनोर हो गेलो।
नीन तोड़ऽ जगऽ छछात भोर हो गेलो।।

कोई त लाल रंग घोरके पोरौलक हे।
रात करिआ लगऽ हलो से गोर हो गेलो।।

अकास साफ सुथर बेस बगबगाइत हौ।
गते- गते सिनेह सब किसोर हो गेलो।।

जने-तने इंजोर अकबकाके भाग रहल।
कि बाड़ से खुलल भुखाल ढोर हो गेलो।।

इहाँ त साँस हे साबुत हुलास भर अखनी।
परेम अपने मने बर -पीपर सोर हो गेलो।।

तनी- तनी गो भाव हल जे कहूँ कोना में।
सरेक होके केतारी के पोर हो गेलो।। ९
हमारे खबरों को शेयर करना न भूलें| हमारे यूटूब चैनल से अवश्य जुड़ें https://www.youtube.com/divyarashminews https://www.facebook.com/divyarashmimag