भाव के अभाव में अपने स्वभाव में ,

कभी शहर कभी गाॅंव में जीवन जीयत बानी हम ।
कबहुॅं दुर्भाव में कबहुॅं सुभाव में ,
कबहुॅं अमरीत कबहुॅं जहर पीयत बानी हम ।।
अपने ही छाव में कहीं धूप कहीं छाॅंव में ,
कउआ के काॅंव में जीवन सियत बानी हम ।
नाहीं कवनो दाॅंव में नाहीं निश्चित ठाॅंव में ,
प्रकृति के पाॅंव में आपन दिन गिनती बानी हम ।।
ना कवनो दुराव में ना कवनो चाव में ,
सबके मन बहलाव में हॅंसी ला हॅंसाई ला ।
कुरीति के रीति में कुनीति के नीति में ,
सुबह शाम प्रीति में भूमिका निभाई ला ।।
साहित्यिक धार बा काव्य के प्रचार बा ,
सुभावे आचार बा देखावत भ्रष्टाचार बा ।
आपन दिन कटी कईसे करे के विचार बा ,
जीवन के आधार जवन उहे जीवन के सार बा ।।
पूर्णतः मौलिक एवं
अप्रकाशित रचना
अरुण दिव्यांश
डुमरी अड्डा
छपरा ( सारण )बिहार ।
हमारे खबरों को शेयर करना न भूलें| हमारे यूटूब चैनल से अवश्य जुड़ें https://www.youtube.com/divyarashminews #Divya Rashmi News, #दिव्य रश्मि न्यूज़ https://www.facebook.com/divyarashmimag